13 ene 2015

"O sabor da aventura está no mar". Saída a Vigo. Ed. Infantil

Dentro das actividades que comprenden a nosa participación no Plan Proxecta, "A aventura está no mar", atópase a actividade que disfrutamos onte en Vigo os nenos de Educación Infantil. Nada máis chegar, visitamos o porto de Vigo. Alí puidemos ver as embarcacións e mariñeiros recén chegados dunha longa noite de traballo. Tamén comprobamos cales foron as súas capturas e vimos cómo as redeiras amañaban as redes. Moi perto de alí visitamos tamén un vivero: centolas, bogavantes, nécoras, cigalas, langostas, bois de mar... Algúns ata se atreveron a collelos! Tomamos a nosa merenda a bordo dunha fermosa goleta danesa, "Nauja", con moitísimos anos de historia e moitas aventuras con sabor a mar. Por último disfrutamos dun delicioso xantar baseado nos produtos do mar: unha riquísima sopa de peixe e fideuá con mexilóns. Case todos quixemos repetir!

No hay comentarios:

Publicar un comentario