E no gran día de Entroido, encheuse o cole e as rúas de Asados dun universo de cores. Houbo estrelas, soles, marcianos e unha expedición de astronautas que converteron o desfile nun bonito espectáculo.
O Meco, coma todos os anos foi xulgado, e como non podía ser doutro xeito, resultou culpable. Ardeu na fogueira aínda que sabemos que para o ano que ven voltará a facer das súas...
Agradecemos a colaboración das familias e da ANPA para facer posible esta celebración, e sobre todo, a implicación e ilusión dos nenos e nenas para confeccionar os seus disfraces.